اشمعنى ؟! كتير ف حياتنا

كنت ناوي اكتب عن الانفلات الأمني , كنت ناوي اكتب عن الاشمعنى الكبيرة في 10 أشهر

بس تيليفون جالي خلاني خلاني اكتب اشمعنى تانية ؟!

التيليفون كلمتني واحد فرحانة بالحملة بس خايفة انها تستغل و تبقى فوضى فلما وضحت ليها و قعدت تكلمني عن حاجات تانيةعن انها في قرية و ان قيمتها الوحيدة هي انها تتجوز .... اشمعنى ؟! عشان سلو بلدهمو عيلتهم كدا

مينفعش انها تخش أي جمعية .... اشمعنى ؟! عشان سلو بلدهم و عيلتهم كدا

مينفعش تخش أي حزب ..... اشمعنى ؟! عشان سلو بلدهم و عيلتهم كدا

اقترحت عليهم حملات جمع تبرعات و نشاطات عامة ضحكوا و اتريقوا ..... اشمعنى ؟! عشان هي بنت

البنت هناك مهمشة مخنوقة رغم ان سنها 23 سنة يعني مش صغيرة مينفعش تشتغل أو تعمل نشاط عام عشان سلو بلدهم كدا

دي اشمعنى رأيي لازم نفكر فيها اشمعنى كبيرة ؟!

بنات القاهرة مش حاسة دا و لا اسكندرية و لكن بنات القرى و الأقاليم للأسف حاسة بدا جدا و مهمشة جدا و مش عارفين يعملوا ايه

كل الي في ايديهم اشمعنى ؟!

الاستعمار لا دين له 1

سمع كلام انها حرب صليبية و ان امريكا مش عايزة الاسلاميين يوصلوا ؟؟؟؟

الموضوع غلط الاستعمار لا دين له

مبدئيا : حرب صليبية كلمة زي الجهاد عندنا بيضحك بيها ع عقول الملايين و المسيطر هناك الشركات الامريكية الكبرى و هي شايفة ان مصلحتها مصلحة أمريكا وعرفت تخلص من الجمهور عن طريق مسح عقله بالاعلام و المؤسسات التعليمية.

طيب قبل ما اكمل الوضوع هتكلم بمقدمة بسيطة عن الاستعمار :

1- الجيش و ظهور المستعمر بشكل مختلف عن صحاب البلد و دا عارفينه و دي اقدم طريقة للاستعمار

2- عملاء يمسكوا البلد و انقلابات و ثورات ملونة لوضع رئيس يكون عميل ليها برضه و دا كان اسلوب الانجليز

3- الامريكان طوروا بقى فيه الديون الاقتصادية عن طريق المنظمات الدولية و بتجبرك عن طريق الديون دي على قرار عسكري و سياسي .

بعد ما اتكلمنا عن التاريخ نتكلم على اسلوب الامريكان و نعرف انهم همهم المصلحة ليس الا :

1- اقناع البلد بمشاريع لتنمية تقوم بها شركات امريكية و البلد معندهاش فلوس كفاية فتوافق و تداين لمنظمات الدولية و المعونة الامريكية نلاحظ هنا حاجة الفلوس خارجة عن طريق المنظمات الدولية و داخلة عن طريق الشركات الأمريكية يعني امريكا مش خسرانة

2- تداين الدولة فيتم الضغط عليها عشان قرار عسكري و سياسي و اقتصادي يعني في الاكوادور مثلا البترول و مصر مبارك غزة و تونس بن علي فرنسا

3- طيب لو دول عايزة تستقل اقتصاديا او الدولة مش عايزة تداين و تكون دولة محترمة ليها سيادة؟

فيه بقى السي اي ايه زي المكتب الخامس البريطاني زمان لما كان يقوم بالانقلابات و الاغتيالات عشان يثبت الموالين للانجليز يقوم السي اي ايه بانقلابات و ثورات ملونة عشان تجيب حد يوافق ع الثقافة و السياسة دي زي بنما و اغتيال فيصل

4- طيب لو منفعش الانقلابات و الثورات الملونة تيجي بقى أقدم طريقة الجيش و الاستعمار العسكري و دا بان جدا في العراق و أفغانستان الي رفضت كرازاي و كان هيحصل في فنزويلا لولا ان امريكا كانت متورطة عسكريا في دولتين و منعها من التورط في دولة تانية

الي عايز اقوله لحد ما اناقشه ادام بتفصيل أكتر أن الاستعمار يهمه المصالح لا دين له

و ع دليل ان شافيز اشتراكي و حاولوا يساندوا ضده انقلاب و رغم ان السعودية اسلامي و بيدعموا نظام ال سلول مع تكملة لاحقا

انا متفائل

أنا متفائل لأن المظاهرات الفئوية طلعت رغم القانون الأسود بتاع مجلس الوزراء و دا مكانش بيحصل زمان :)

متفائل عشان بقينا نشوف مظاهراتنا و كلامنا على الفيس ليه أثر و دا مكانش بيحصل :)

متفائل لأن عدد الي اهتموا بالعمل العام زادوا سواء خيري أو تنموي أو سياسي أو حقوقي :)

متفائل لأن أغلب المصريين مبقاش ليهم كلام الا في السياسة :)

متفائل لأن الحوادث بتبين معدن المصري الأصيل برفضه الحماية الدولية و رفضه للحصل للمسيحيين :)

متفائل عشان النخبة الزبالة مبقاش ليها مصداقية :)

متفائل لظهور شخصيات كتير ممكن تمسك رئاسة و دا مكانش عندنا :)

متفائل لأن شباب الاخوان و السلفيين بيحاولوا يفهموا زي ما احنا بنحاول نفهم :)

متفائل لأن الحوار بين السلفيين و الاخوان بقى أسهل من زمان :)

متفائل لأن الناس بقى همها على البلد سواء الخوف من التخريب

أو الخوف من ضياع الثورة :)

متفائل عشان زهقت من التشائم أيام حسني :)

متفائل عشان انا مش متساقط أو جبان :)

متفائل عشان انا متأكد ان ربنا مبيضيعش مال حد هيضيع دم الشهداء :)

متفائل عشان اشوف النور :)

متفائل عشان انا مش اعمي و شايف ان فيه خير ادام بس نفكر صح :)

تفائل هتشوف الايجابية البداية من عندك انت لو متفائلتش الناس هتتشائم و هيسيبوك

التشاؤم حرام على فكرة و التفاؤل محبوب و بتاخد عليه حسنات

الشعب كويس و طلع في يناير بس دور جواك هو ليه خاف منك و ايه الي بعده عنك هتلاقيك اتفائلت و عرفت ان غلطك ممكن تصلحه

للتنموي : اتفائل العدد زاد محتاج تنظيم محتاج تركز على مشاريع و تزود الوعي و المهارات للمتطوعين بس العدد زاد

بقى يمكن تنزل في كل مكان من غير ما تاخد اذن من أمن الدولة تفائل :)

للحقوقي : تفائل الناس مبقتش تصدق موضوع التمويل الناس بدأت تزيد و تجيلك تفائل الناس بدأت تاخد كورسات عندك

تفائل :)

مش قلتلكم متفائل :)

مبادرة دعم التطوع الالكتروني - شرح الفوتوشوب 2

شرح الفوتوشوب الفصل الأول

شرح الفوتوشوب الفصل الثاني

الدرس الأول

http://www.4shared.com/video/ePhyD0a7/_1___-___-___ahmedhabibnet_-_Y.html?

الدرس الثاني

http://www.4shared.com/video/or17PPjo/_2____-___-___ahmedhabibnet_-_.html?

االدرس الثالث

http://www.4shared.com/video/wvsdCN7Q/_3____-___-___ahmedhabibnet_-_.html?

الدرس الخامس

http://www.4shared.com/video/DBxv_kGJ/_5____-___-___ahmedhabibnet_-_.html?

نعتذر عن الدرس الثاني ^_^

الكبار و الكارتون

كنت ناوي اكتبها جد شوية و اقعد ادور على أسباب متابعة الكبار لكارتون و الانيمشن بس قلت أكتب الي انا حاسه احسن

اها انا بتفرج على كارتون و انيمشين و دا مش عيب و حريتي :)
بس ليه بتفرج عليه ؟؟

ممكن عشان الأفلام الهادفة اختفت؟!!!

ممكن عشان ابعد عن الجو الكئيب من حواليا؟!!!

ممكن عشان ساعات أفلام الكارتون بتبقى قصص لروايات و أساطير و أنا بحب الروايات؟!!

ممكن عشان هي ساعة و نص بكتيره فدا بيخليني مش مرتبط بالفيلم كتير ؟!!

ممكن عشان دائما نهاية سعيد؟!!

ممكن عشان انا خلاص اتخنقت من البشر و أشكالهم فقلت اتفرج على عالم خيالي؟!!

ممكن عشان البراءة الي عمري ما بشوفها غير في أفلام الكارتون؟!!

ممكن عشان الصراحة عشان الشرير بتعرف انه شرير و الطيب بتعرف انه طيب؟!!

مش عارف الي اعرفه انه في نفسي في آلة اعيش فيها في فيلم كارتون و ابعد عن البشر من الغل و الحسد و خلافه :)

ملحوظة : المقال دا حد خلاني اكتبه :)

ملحوظة 2 : مطلوب من كل شركة كارتون 100 جنيه دعاية :)

دعم المتطوع الالكتروني - شرح الفوتوشوب 1

مبادرة دعم المتطوع الالكتروني - فريق القاهرة
استمر القاهرة على الفيس بوك
الصفحة العامة استمر
1- متطوع يقوم بتصميم الشعارات و اللوجوهات التي تقوم بجذب الناس على الانترنت و هذا طبعا له قدرات الفوتو شوب و البرامج التي تشبهه

2- متطوع يقوم بالمناقشة له قدرات الاتصال و القبول عند الناس

3- متطوع يقوم باستطلاعات الرأي و متابعة الأخبار حتى لا تكون المادة في وادي و الناس في وادي آخر و هذا له بعد نظر في الأحداث و قدرة على فهم الطبقات الاجتماعية على الانترنت و معرفة بسيكولوجية الجماهير

4- له معرفة بآليات الدعاية الاليكترونية فعمله الانتشار فقط

مبادرة دعم التطوع الالكتروني :

النوع الأول و الرابع عملنا : المصمم

شرح الفوتوشوب لتصميم الصور

الكوريل درو

شرح الفيس بوك

التويتر

شرح الموفي ميكر

شرح الايديوس

دروس في المونتاج و الإخراج

الدرس الأول

http://www.4shared.com/video/Cwh1C8U7/_1____-___-___ahmedhabibnet_-_.html

الدرس الثاني
http://www.4shared.com/video/hRDcr2Wy/_2____-___-___ahmedhabibnet_-_.html
الدرس الثالث
http://www.4shared.com/video/3qMVLo8D/_3____-___-___ahmedhabibnet_-_.html
الدرس الرابع
http://www.4shared.com/video/HeTBU32V/_4____-___-___ahmedhabibnet_-_.html
الدرس الخامس
http://www.4shared.com/video/7A4GFoiC/_5____-___-___ahmedhabibnet_-_.html
الدرس السادس
http://www.4shared.com/video/XsLySpMV/_6____-___-___ahmedhabibnet_-_.html
الدرس السابع
http://www.4shared.com/video/tCqSAil7/_7____-___-___ahmedhabibnet_-_.html
الدرس الثامن
http://www.4shared.com/video/4pvTLG79/_8____-___-___ahmedhabibnet_-_.html
الدرس التاسع
http://www.4shared.com/video/A7YH7Tyt/_9____-___-___ahmedhabibnet_-_.html

مبادرة دعم التطوع الالكتروني (1)

استمر القاهرة

http://www.facebook.com/pages/%D8%A7%D8%B3%D8%AA%D9%85%D8%B1-%D8%A7%D9%84%D9%82%D8%A7%D9%87%D8%B1%D8%A9/244271442283473

كتاب الناشط الالكتروني

http://www.4shared.com/document/VFfAVjyq/__online.html

تعلم كيف صناعة الفيديو على الموفي ميكر

http://www.4shared.com/document/6dodLEYD/___online.html

انا اسمي مواطن مصري :D

صحي مواطن من النوم و سلم على ابوه مصري (اسما طبعا مفيش انتماء أصلا ) أبوه زعقله عشان لسة صاحي من النوم و ساب المحاضرات قاله كدا كدا الزبد في الكورسات اطمن (في دي انا معاه مفيش تعليم في مصر) المهم الخناقة خلصت اتصل بصاحبه مناضل سياسي (قصة قديمة و عرفناها ) و اتفقوا يتقابلوا في في وسط البلد البورصة (طبعا عارفينها) لما راح مواطن لقاه قاعد مع منظر سياسي (قصة تانية ) و كان عمال يشرحلوا فكرة البرجماتية افتكرهم مواطن مصري بيتريقوا عليه نفضلهم و سأل منظر سياسي مواطن قاله ايه رأيك في البراجماتية فافتكره لسة بيشتغلوه فقاله كويسة كويسة بصله نظرة استحقار و مفهموش (كعادة المنظرين حاليا ) و قرر ينفضله ( المفروض يهتم بيه ) و لما خلصت القعدة مسك مواطن مناضل و طلع عينيه و اداله على دماغه و ازاي و ازاي يشتغله فهموا انه مكانش قصده و حاول يفهمه مفيش فايدة :)))

قرروا يتمشوا و بعد كدا يروحوا و مواطن عمال يعاكس دي و دي و دا بيحاول ينصحه و قعدوا شوية على كوبري هنا استغل مناضل دا و حاول ينصحه بالانتماء و الايجابية قاله هكون معاك على شرط أنه يكون مع كل مناضل مزة و كوباية (حشيش طبعا ) مناضل قاله يا ابني انت عارف معنى اسمك ايه؟ قاله انا كرهت اسمي ياريت ابويا اسباني أو امريكي مش مصري و بطل شعارات و قولي حاجة تأكل عيش.

روحوا في ميكروباص و قابله السواق و كان اسمه سواق ميكروباص(يا محاسن الصدف عموما دي قصة تانية) و كان سواق عمال يحكيلهم على مشاكله و مشاكل السواقين (كان ناوي يقولهم على الأجرة الغالية الجديدة ) مناضل بقى كان متفاعل معاه و حاول يفهمه موضوع الرابطة أو النقابة و انه المفروض يعمل كدا و السواق قاله انا هعمل كدا لوحدي (مفيش ثقة في بعض) و مواطن عمال يتريق عليه (نلاحظ ان مفيش ثقة في المعارضة خالص)

روح مواطن و قعد يفكر في المزة و فلوس قرش الحشيش و قرر يضربها من فلوس الكورس (نلاحظ ان التفكير دا بعد محاولات مناضل و ان دا دماغه فاضية محتاجة تأهيل)

و دي قصة مواطن مصري الي سافر بعد ما عرض عليه مناضل ادام عقد عمل جديد

ملحوظة : القصة دي فيها حاجز الخوف على المصلحة الشخصية و هو هاتلي حاجة تأكل عيش

و حاجز اللاانتماء فخوف السواق انه يعمل كدا لوي ياريت ابويا اسباني

و حاجز عدم الثقة بين أفراد الشعب يتمثل في تريقة مواطن و خوف السواق انه يعمل كدا لوحده

و كل دا من حواجز الطاعة للحاكم الي عايزين نغيره